అష్టాంగ యోగ విశిష్టత

ఎనిమిది అంగములు కల ఈ యోగమార్గము జీవన్ముక్తికి అతి పటిష్టమైన, తార్కిక , శాస్త్రీయమైన మార్గం. 

పటిష్టమెందుకంటే ఈ యోగములోని అంగములు ఒక పద్ధతిలో సాగుతూ, తోడ్పడుతూ, లౌకిక జీవితానికికూడా భద్రతఏర్పరుస్తాయి.

తార్కికమెందుకంటే వివరణ ద్వారానే, ప్రయోగాలు లేకుండా కూడా, అర్ధం చేసుకోవచ్చును

శాస్త్రీయమేలనంటే ప్రయోగాల ద్వారా ఫలితాలను వివరించ వచ్చును, ఫలితాలను లెక్కించవచ్చును, అందరికి అందించవచ్చును.

ముఖ్యంగా ఆధునిక మానవుడికి ఈ మార్గం మరింత భద్రతను ఇస్తుంది, సులువుగా ఉంటుంది. ఉన్న 8 అంగములుఇవి:

• యమ
• నియమ
• ప్రాణాయామ
• ఆసన
• ప్రత్యహార
• ధారణ
• ధ్యాన
• సమాథి

యమ, నియమాలు పాటించటమంటే పౌరధర్మాలను అనుసరించటమే. ప్రభుత్వము విధించిన పౌరసూత్రాలు అందరూపాటించాలి, లేకుంటే శిక్షకు గురౌతారు. యమ, నియమాలు పౌరసూత్రాలన్నింటికీ కలిపి ఒక భద్రతా వలయంలాగా (ఫైర్వాల్) పనిచేసి మనిషి నిశ్చింతగా తన జీవితలక్ష్యాల పై దృష్టిపెట్టి, వాటికోసము మాత్రమే పని చేసుకోవచ్చును.

ప్రాణాయామ, ఆసనాల ద్వారా మనిషి ఆరోగ్యానికి భద్రత ఏర్పడి, ఆరోగ్యాన్ని గురించిన చింత ఉండదు, జీవనప్రమాణమూ పెరుగుతుంది.

ప్రత్యాహర, ధారణ, ధ్యానాల ద్వారా మానసిక శాంతి లభించి, బుద్ధి కుదిరి లౌకిక విషయాలు సరిగా చక్కపెట్టుకోవచ్చును. చింతలు లేని లౌకిక జీవితం గడుపుతూ, దైవ మార్గము వైపు మెల్లగా ప్రయాణం చెయ్యవచ్చును. సమాథి మార్గంసుగమమం అవుతుంది.

ఇక సమాధి దశ బహు దీర్ఘమైనది, ప్రయోజనకారి. ఈ దశ యొక్క గమ్యము కైవల్యమే అయినా వృద్ధిని అనుసరించిఆనందము, ప్రశాంతత పెరుగుతూంటాయి. 

ఇంత పకడ్బందీగా ఉండే మార్గము మరొకటి లేదు అనిపిస్తుంది